С.Ж. Асфендияров атындағы Қазақ ұлттық медицина университеті «Фармация» білім беру бағдарламасына (бұдан әрі - БББ) Университетті қабылдау қағидаларына сәйкес ақылы негізде қысқартылған оқу мерзімімен (әңгімелесу түрінде түсу емтиханының форматы) қабылдау жариялайды.

Аталған бағдарлама колледждің фармацевтикалық білімі (ТжКБ) немесе басқа жоғары білімі бар (Фармацевтикалық өндіріс технологиясы, Химиялық технология, Медицина, Биология, Биотехнология немесе кез келген басқа жоғары білім) кандидаттарға ұсынылады. «Фармация» БББ бойынша оқуды аяқтағаннан кейін түлектер «Фармация» біліктілігімен денсаулық сақтау бакалавры дәрежесін алады.

Оқуға түсу үшін құжаттарды университеттің қабылдау комиссиясына 07.07.26- 07.08.26 жылдар аралығында тапсыру қажет.

Фармацевт дипломын алған бітіруші өзінің кәсіби құзыретіне сәйкес денсаулық сақтау, фармацевтика саласы, ғылым, білім беру және мемлекеттік реттеу жүйесінің түрлі ұйымдары мен құрылымдарында жұмыс істей алады.

Жұмысқа орналастырудың негізгі бағыттары:

• дәріхана ұйымдары (бөлшек және өндірістік дәріханалар);
• фармацевтикалық компаниялар мен дәрілік заттар өндіретін кәсіпорындар;
• отандық және халықаралық (шетелдік) фармацевтикалық компаниялар;
• дистрибьюторлық компаниялар мен дәрілік заттар мен медициналық бұйымдарды көтерме саудада өткізу жөніндегі ұйымдар;
• дәрілік заттардың сапасын, қауіпсіздігі мен тиімділігін бақылау жөніндегі ұйымдар;
• бақылау-талдау зертханалары;
• сараптау және сертификаттау органдары;
• дәрілік заттар айналымы саласындағы мемлекеттік реттеуші органдар;
• ғылыми-зерттеу институттары (ҒЗИ) және ғылыми орталықтар;
• клиникалық зерттеулер орталықтары;
• медициналық және фармацевтикалық білім беру ұйымдары (колледждер, университеттер, біліктілікті арттыру орталықтары);
• медициналық ұйымдар (ауруханалар, емханалар, диагностикалық орталықтар);
• зертханалық кешендер мен биотехнологиялық орталықтар;
• дәрілік заттарды фармакологиялық қадағалаумен және тіркеумен айналысатын ұйымдар;
• стандарттау және сапаны қамтамасыз ету жөніндегі ұйымдар;
• фармация және денсаулық сақтау саласындағы консалтингтік және талдамалық компаниялар;
• халықаралық ұйымдар, шетелдік фармацевтикалық компаниялардың өкілдіктері және басқа да ұйымдар.

Бұдан басқа, бітіруші өз дәріханасын, дәріхана желісін, фармацевтикалық компанияны немесе дәрілік заттар айналымы саласындағы консультациялық орталықты ашу арқылы кәсіпкерлік қызметпен айналыса алады.

Барлық қызықтыратын сұрақтар бойынша хабарласуға болады:

Мекен-жайы: Алматы қ., Бөгенбай батыр к-сі, 151 (Масанчи к-сінің қиылысы), № 2 оқу ғимараты, Телефон: 8 (727) 338-70-27, 70-71; 73-50

Сайт: www.kaznmu.edu.kz

Е-mail: Адрес электронной почты защищен от спам-ботов. Для просмотра адреса в браузере должен быть включен Javascript.

Фармация мектебінің деканы: тел.: 8 (727) 338-77-72, вн.77-71; 77-72; 70-43.

Декан Сакипова Зуриядда Бектемірқызы, 8 (727) 338-77-72 көшесі, 73-61

Құжаттарды қабылдау 2026 жылғы 7 шілде мен 7 тамыз аралығында жүзеге асырылады.